50. ára lýðveldi
Hinn 17. júní 1994 var efnt til hátíðar á Þingvöllum til að minnast 50 ára afmælis lýðveldisins. Dagskráin hófst um morguninn og bar að ýmsu leyti svip hátíðarinnar 1944. Þingfundur var haldinn við Lögberg og voru þar tvö mál til meðferðar. Annars vegar var samþykkt ályktun um endurskoðun 7. kafla stjórnarskrárinnar sem fjallar m.a. um mannréttindi. Hins vegar var samþykkt ályktun um stofnun Lýðveldissjóðs sem ætlað er að styrkja rannsóknir á lífríki sjávar og efla íslenska tungu.
Meðal þeirra mörgu sem fluttu ávörp þennan dag voru Salome Þorkelsdóttir forseti Alþingis, Vigdís Finnbogadóttir forseti Íslands og Davíð Oddsson forsætisráðherra. Fjölbreytt skemmtidagskrá var á Þingvöllum síðdegis og var þar meðal annars frumflutt sigurlagið í samkeppninni Íslandslag 1994 sem hátíðarnefndin hafði efnt til, lagið „Þetta fagra land“ eftir Valgeir Skagfjörð.
Efri mynd: Vigdís Finnbogadóttir, forseti Íslands, þingmenn og erlendir gestir. Frá fundi Alþingis á Þingvöllum 17. júní 1994. Neðri mynd: Frá fimleikasýningu pilta úr Glímufélaginu Ármanni á Völlum. Myndir úr útsendingu Sjónvarpsins/Ríkisútvarpið.
Lýðveldishátíðin 1994
28.8K eða 56K
Brot úr útsendingu Sjónvarpsins
Hátíðisdagur í lífi þjóðar
Salome Þorkelsdóttir forseti Alþingis
Lýðveldið í ljósi sögunnar
Vigdís Finnbogadóttir forseti Íslands
Þá rigndi upp á punt
Davíð Oddsson forsætisráðherra
Þetta fagra land
Egill Ólafsson syngur
Hátíðin 1994: Ólík sjónarhorn
Ingólfur Margeirsson og Guðmundur Hálfdanarson