Undirtegundir
Steypieyðurin skiptist í þrjá aðgreinda stofna, B.m. brevicauda, dvergsteypireyði sem lifir á hitabeltissvæðum á suðurhveli, B.m.inter-media, (á suðurhveli), og B.m. musculus (á norður-hveli).

Ævilengd
Talið er að steypireyður geti orðið um 110 ára gömul.

Stærð
Steypireyðar er stærsta dýr sem hefir lifað á jörðinni. Hún er 24-27 m löng (dvergsteypireyður 21-22 m) og vegur 100-120 tonn.

Lýsing
Steypireyður er gráblá á litinn með ljósari dílum. Oft er hún gulleit undir stirtlunni vegna þess að kísil-þörungar setjast í hveljuna og hefir því verið kölluð brennisteinsbossi. Hún er með litla, snubbótta bakhyrnu, mjög aftarlega og stóra og þykka sporðblöðku.

Útbreiðsla
Steypireyður lifir í öllum heimshöfunum.

Fæða
Steypireyður étur einkum hvalátu (kríli).

Lífshættir
Steypireyðar halda saman í smáhópum, venjulega 2-3 hvalir í hverjum, þó að vöður með 60 hvölum eða fleiri hafi sést.