• Algengt er að dánarfregnir séu 10-12 orð upp í 80 orð. Meðaldánarfregn er um 25 til 30 orð.
• Athuga þarf að tímasetning á jarðarför fylgi með útfarartilkynningunni.
• Ef nafn þess látna er algengt er gott að hafa heimilisfang eða starfsheiti ef hægt er, sérstaklega ef undirskrift er bara „vandamenn.“
• Ekki er tekið á móti tilkynningum þar sem þakkað er fyrir sýnda samúð, nema þær fylgi andláts- eða jarðarfarartilkynningu.
• Athuga þarf að yfirskrift og undirskrift stemmi. T.d. gengur ekki að segja: „Ástkær móðir okkar, tengdamóðir og amma...“ og hafa einungis „Börn hinnar látnu“ í undirskrift. Þá væri hægt að stytta yfirskriftina í „Ástkær móðir okkar“ og sleppa „tengdamóðir og amma“ eða láta yfirskriftina standa og breyta undirskrift í „börn, tengdabörn og barnabörn.“
• Ekki fer vel í lestri ef nöfn í undirskrift eru fleiri en sjö eða átta.
• Hjón eða sambýlisfólk er haft saman í undirskrift.
• Ekki er nauðsynlegt að segja í andlátstilkynningu „Jarðarförin auglýst síðar“ af því að það er yfirleitt gert.
• Tilkynningarnar geta t.d. byrjað á „Hjartkær, ástkær eða elskulegur...“

Dæmi um dánartilkynningu:
Ástkær eiginmaður minn, faðir okkar, tengdafaðir og afi, Jón Jónsson, Efstaleiti 1, lést mánudaginn 1. janúar. Jóna Jónsdóttir, börn, tengdabörn og barnabörn.

Dæmi um útfarartilkynningu:
Ástkær eiginmaður minn, faðir okkar, tengdafaðir og afi, Jón Jónsson, Efstaleiti 1, sem lést mánudaginn 1. janúar, verður jarðsunginn frá Dómkirkjunni í Reykjavík, föstudaginn 5. janúar, klukkan 13.30. Jóna Jónsdóttir, börn, tengdabörn og barnabörn.

Nánari upplýsingar og aðstoð er hægt að fá með því að hafa samband í síma 515-3060 eða mæta í Útvarpshúsið, Efstaleiti 1.