Brynhildur Jenný
Bjarnadóttir teiknaði skemmtilegu
dýramyndirnar á Gæludýravefnum. Hún er að læra
teiknimyndagerð í háskóla í norður Wales. Áður var hún í
tvö ár við listnám í Flórens á Ítalíu. Hún á gráan kött
sem heitir Kisa Lísa Matthildur. Fjölskyldan fann hana sem
flæking fyrir næstum tíu árum síðan. Kisa Lísa er mjög
sérstök, mjálmar mikið og heilsar alltaf nágrönnunum með
kurteisislegu mjálmi. Hún er lömuð öðru megin á andlitinu
þannig að hún getur ekki lokað öðru auganu né hreyft
eyrað. Kisa Lísa Matthildur veiðir ekki nema helst teygjur
og vettlinga sem hún finnur á götunni og fer aldrei langt
frá húsinu. |
|
 |
Líney Jónsdóttir er dýralæknir og
veitir ráðgjöf á
Gæludýravefnum. Ef eitthvað amar að dýrinu ykkar getið þið
sent inn spurningu til hennar. Líney lærði dýralækningar í
Hannover í Þýskalandi og útskrifaðist árið 1997. Hún á tvö
börn, níu ára stelpu og strák sem er að verða þriggja ára.
Fjölskyldan á tvo ketti sem heita Snælda og Fjósi. Það var
lengi sterk fjósalykt að Fjósa en hann er úr sveit. Þau
eiga líka hesta og fara oft á hestbak, sérstaklega á
veturna þegar búið er að taka hestana inn á hús. |
|
|
Selma Hrönn Maríudóttir sá um hönnun
og uppsetningu á Gæludýravefnum. Hún er vefhönnuður og
rafeindavirki. Selma á 3ja mánaða gamlan son og
fjölskyldan á tvær 5 ára kisur sem heita Glingló og Dabbi.
Glingló finnst gaman að leika sér úti og hefur skrítinn
matarsmekk. Hún er t.d. mjög hrifin af bernaisesósu og
grænum baunum. Dabbi er hins vegar meiri inni kisa og fer
aldrei langt frá húsinu. Dabba finnst
kisumaturinn bestur og það er fátt annað sem heillar nema
kannski rækjur. |
|
 |
Sigríður Pétursdóttir er
hugmyndasmiður og vefstjóri
Gæludýravefsins. Hún er kennari og kvikmyndafræðingur.
Sigríður á einn þrettán ára son og tvo stjúpsyni, fimm og
tíu ára. Það er ekkert gæludýr á heimilinu vegna ofnæmis.
Þegar Sigríður var lítil reyndi hún einu sinni að eiga
síli sem gæludýr og hafði þau í vaskafati bakvið hús. Hún
reyndi líka að eiga músarunga. En þið skuluð ekkert vera
að prófa það. |
|
 |
