Andarnefja

Latneska heitið er:
Hyperoodon ampullatus.

Andarnefja er tannhvalur. Nafn sitt dregur hún af höfuðlaginu, trýnið er mjótt og ennið hátt og kúpt.

Hún er grásvört á litinn og heldur ljósari að neðan en á bakinu. Með aldrinum verður litur hennar oft ljósari.

Hún er 7-9 m á lengd og 6-8 tonn að þyngd. Kýrin er talsvert minni en tarfurinn. Kvendýrin eru tannlaus.

Andarnefja lifir aðallega á smokkfiski. Hún er mjög forvitin og er auðvelt að lokka hana að með hljóðum. Hún er einstaklega félagslynd og trygglynd. Hún yfirgefur ekki særðan félaga fyrr en hann deyr. Hún er geysilegur kafari. Hún er farhvalur og er einungis hér við land á sumrin.