Búrhvalur

Latneska heitið er:
Physeter macrocephalus.

Hann er stærstur allra tannhvala. Hann er 8-20 m á lengd og 20-50 tonn að þyngd. Kýrin er talsvert minni en tarfurinn. Höfuðið er mjög stórt eða þriðjungur af lengd hvalsins. Hann er dökkgrár að ofanverðu, ljósari á hliðunum en silfurgrár að neðan.

Hann hefur um 50 tennur í neðri skolti. Hann hefur stærsta heilabú sem nú þekkist í lifandi dýri. Hann er mesti djúpkafari allra hvala. Fæða hans er risablekfiskur, túnfiskur, risaskata, hákarl, og stór kolkrabbi. Hann lifir í öllum heimshöfum. Hann er fjölkvænisdýr. Hann heldur sig í margvíslegum hópum. Hann er farhvalur og til Íslands koma einungis ung karldýr og gamlir tarfar. Búrhvalurinn getur kafað niður á 3 kílómetra dýpi og getur verið í kafi í allt að 2 klukkustundir!